ԵՐԻՏԱՍԱՐԴԱԿԱՆ ԱԿՈՒՄԲՆԵՐԻ
ԴԱՇՆՈՒԹՅՈՒՆ
ՏԵՂԱԿԱՆ ԺՈՂՈՎՐԴԱՎԱՐՈՒԹՅԱՆ ԵՐԻՏԱՍԱՐԴ ԴԵՍՊԱՆՆԵՐ
Դիմակայունություն բոլորի համար
Երիտասարդական ակումբների դաշնությունը մեկնարկել է Լեռնային Ղարաբաղից բռնի տեղահանված երիտասարդների համար «Տեղական ժողովրդավարության երիտասարդ դեսպաններ» ծրագիրը:
Ծրագրի նպատակն է հնարավորություն տալ երիտասարդներին ծանոթանալ տեղական ժողովրդավարության գործընթացներին, ներգրավվել համայնքային կյանքում և զարգացնել առաջնորդական հմտությունները:
Կդառնա՞ս երիտասարդ դեսպան
Լեռնային Ղարաբաղից բռնի տեղահանված երիտասարդներին հրավիրում ենք մասնակցելու «Տեղական ժողովրդավարության երիտասարդ դեսպաններ» վերապատրաստողների համար նախատեսված եռօրյա անվճար դասընթացին, որը տեղի կունենա հուլիսի 31-ից օգոստոսի 2-ը։
Դասընթացի շրջանակում մասնակիցները ձեռք են բերելու գիտելիքներ և հմտություններ համայնքների կառավարման առանձնահատկությունների, տեղական ինքնակառավարման մարմինների գործունեության, ՏԻՄ-երի ընտրության, տեղական հանրաքվեների կազմակերպման, ավագանու նիստերի, խորհրդակցական մարմիններում ընդգրկման, որոշումների գործընթացի մեջ ներգրավման և տեղական ժողովրդավարության գործիքների ու մեխանիզմների մասին:
Հայտերի ընդունման վերջնաժամկետը ՝ հուլիսի 30-ը:
Ծրագիրը բաղկացած է մի քանի փուլից․
Առաջին փուլում կազմակերպվելու են եռօրյա դասընթացներ վերապատրաստողների համար:
Երկրորդ փուլում վերապատրաստված երիտասարդները կազմակերպելու են տեղական դասընթացներ իրենց բնակավայրերում:
Երրորդ փուլում՝ ստեղծվելու են տեղական ժողովրդավարության «դեսպանատներ» և երիտասարդ «դեսպանների» ցանց:
Սույն նախաձեռնությունն իրականացվում է Երիտասարդական Ակումբների դաշնության կողմից ՄԱԿ-ի Զարգացման ծրագրի (ՄԱԶԾ) «Դիմակայունություն բոլորի համա ր» ծրագրի շրջանակում, որը ֆինանսավորվում է Նորվեգիայի Արտաքին գործերի նախարարության կողմից և իրականացվում՝ ՀՀ տարածքային կառավարման և ենթակառուցվածքների նախարարության հետ համագործակցությամբ։
Աջակիցներ
